ಮಳೆ ಬಂದರೆ, ಭೂಮಿಗೆ ಸಂತೋಷ
ಬಿಸಿಲು ಬಂದರೆ, ಭೂಮಿಗೆ ಉಲ್ಲಾಸ
ಮಳೆ ಬಿಸಿಲು ಎರಡೂ ಬಂದರೆ,
ಆಗಸಕ್ಕೇನೋ ಸಂಕಟ.
ಮೋಡಗಳ ಮಧ್ಯದಿಂದ ಇಣುಕುವ ರವಿ
ನೋಡುವನು ಇಳೆಯ ಮೇಲಿರುವ ಮಳೆಯ ಹನಿ
ಆಗಸಕ್ಕೇನೋ ಸಂಕಟ ಈ ಸಮಯದಲಿ.
ಚೂರು ಮಾಡುವಳು ತನ್ನ ಏಳು ಬಣ್ಣದ ಬಳೆಗಳನು
ತೊಟ್ಟುಕೊಳ್ಳುವಳು ಮೋಡದ ಸೀರೆಯ ವಿಧವೆಯ ಹಾಗೆ
ನಾನಿದನು ನೋಡಿ ಬೆರಗಾದೆನು, ಅಚ್ಚರಿಸಿದೆನು..
ಒಬ್ಬರ ಸಂತೋಷದಲಿ ಮತ್ತೊಬ್ಬರ ಅಳುವಿರುವುದೇ ??
ಒಬ್ಬರ ಸಾಧನೆಯಲಿ ಮತ್ತೊಬ್ಬರ ಅಳುಕಿರುವುದೇ ??
ಮಾನವನಾದ ಮೇಲೆ ಬೇವು ಬೆಲ್ಲವು ಸಹಜವೇ..??
ಮುಂಜಾನೆಯ ಮಂಜು ™
No comments:
Post a Comment