ಸ್ನೇಹಾನಾ... ಪ್ರೀತೀನಾ...?
Saturday, November 27, 2010
ನಾ ಮರೆಯುವ ನೆನಪು..
ನನ್ನೀ ಹೃದಯಕೆ ನಿನ್ನದೇ ಬಯಕೆಯೇ
ಆದರೂ ನಾ ನಿನ್ನ ಒಲಿಸಲಾಗಲಿಲ್ಲವೆ
ನಾ ಇರುಳಂತಿರುವೆ ನೀ ಹಗಲಾಗಿರುವೆ
ಇಬ್ಬರು ಸೇರಿಯೂ ಜೊತೆಗಿರಲಾರೆವೆ
ಕನಸೆಲ್ಲವ ಸೇರಿಸಿ ನಿನ್ನ ಅಲಂಕರಿಸಿರುವೆ
ಕನಸಿನಲ್ಲಿ ಗಾಜಿನ ಅರಮನೆಯ ಕಟ್ಟಿರುವೆ
ನೀ ವಾಸಿಸದ ಅರಮನೆಯು ಸೆರೆಮನೆಯಾಗಿದೆ
ನಾ ಬಚ್ಚಿಟ್ಟ ಕನಸೇ ಹೃದಯವ ನೋಯಿಸುತಿದೆ.
ನನ್ನ ಮಧುರ ಕ್ಷಣಗಳ ಸರಪಣಿಯಲಿ ನೀನಿರುವೆ
ಪ್ರತಿ ಬಾರಿ ಕನಸಲೂ ನಿನ್ನನೇ ಕಾಣ ಬಯಸುವೆ
ಮಬ್ಬಾಗಿರುವ ಚಿತ್ರಗಳಲ್ಲೂ ನಿನ್ನದೆ ಪ್ರತಿಬಿಂಬವೆ
ನಿನ್ನದೇ ಸುವಾಸೆನೆಯು ನನ್ನುಸಿರಲಿ ಅಡಗಿದೆಯೆ.
ನಾನಿನ್ನ ಆಸರೆಯಾಗಿದ್ದರು ನಿನ್ನ ಜೊತೆಗಿರಲಾರೆನೆ
ಈ ಪಯಣದಲ್ಲಿದ್ದರು, ಪ್ರತಿ ಪಯಣದಲ್ಲಿರಲಾರೆನೆ
ನೀ ಸಂತೋಷದಿಂದಿರಲೆಂದು ಪ್ರತಿದಿನ ಪ್ರಾರ್ಥಿಸುವೆನೆ.
ನಾ ಮರೆಯುವ ನೆನಪು ನೀನೇ.. ಆಗಿರುವೆಯೆ...
ಮುಂಜಾನೆಯ ಮಂಜು ™
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment